بتعرفوا كيف سانتا والأقزام عندهم مشغل في بلاد الثلج ؟ السنة رح يكون عنا مشغل لصنع الشجرة والزينة في وسط الطبيعة
بورشاتنا على مدار سنتين تعلمنا كيف نعمل زينة من شتى أنواع المواد. وعلى فكرة الأطفال أبدعوا بأفكارهم وخلقهم للزينة وتعاملوا مع مجموعة واسعة من المواد مثل الورق، والألوان، والأسلاك، والقطاعات، واللزيق، والخيطان، ومواد تم إعادة تدوريها. مشان هيك هاي السنة مش بس رح نخلق الزينة، رح نتعلم كيف نبني شجرة الميلاد.. نعم، رح نبني شجرة كبيرة ومضيئة وصديقة للبيئة ونزينها بأحلى زينة.
الورشة فيها:
- نجارة وبناء
- وتركيب ودهان
- تقطيع وتعليق واستخدام كل ما هو صديق للبيئة
-تزيين ورقص وغنى وإحتفال
جميع الخطوات مصممة حسب قدرات الأطفال لتحفزهم وتعزز ثقتهم بنفسهم وبمهاراتهم، ولتثبت لهم انهم قادرين ما زال حماسهم وشغفهم للتعلم موجود.
حنا بنستناكم بالمشغل.. تعالوا لابسين أواعي مناسبة ودافية
الورشة للأطفال من عمر 5 سنوات فما فوق.
ضروري نتواجد عالوقت.
لمزيد من المعلومات، إبعتولنا رسالة حلوة
الأماكن محدودة
ورشاتنا مصممة لتعطي مساحة للطفل والأهل للعب وللتنفس والتحرر عن طريق الطبيعة والفن والألوان والحواس. للشعور مع النفس والتواصل مع عوالم معرفة وتعلم مختلفة، ولتنشيط الخيال، والتجربة، والإبداع ولبناء الشخصية والحس بالمسؤولية وعدم الخوف من التجربة والفشل والمحاولة من جديد.
نحن منحب الطبيعة ومنعرف انها بتتنفس وبتاكل وبتشرب وبتكبر وبتتكاثر مثل الإنسان والحيوانات.ورشاتنا تهتم بالطبيعة وتشجع إعادة الإستخدام المواد اللي بتضر طبيعتنا الحلوة.